دروس قصيرة وممتعة تبدأ من مستواك الحقيقي، وتتدرج معك من A1 إلى C2، مع تقرير أسبوعي يوريك تقدمك بالأرقام.
وش معنى هالكلمة؟
Good morning
جمل ومحادثات بأصوات واضحة تدرّب أذنك
تكلّم بصوتك ويقيّم نطقك على طول
نصوص تناسب مستواك وتتدرج معك
اكتب جملك وخذ تصحيح يشرح لك الغلط
اختبار ذكي يصعب ويسهل حسب إجاباتك، ويعرف مستواك في كل مهارة.
دروس قصيرة تفتح لك وحدة ورا وحدة، وكل ما تقدمت تصعب معك.
تقرير كل أسبوع يوضح وين وصلت حسب الإطار الأوروبي CEFR.
نقيس تقدمك حسب الإطار الأوروبي المرجعي للغات (CEFR)
كل اللي تحتاج تعرفه عن المنصة
منصة خاصة لتعلم الإنجليزية والفرنسية والإسبانية بدروس قصيرة يومية. كل درس يدرّبك على الاستماع والمحادثة والقراءة والكتابة، والمحتوى يتدرج معك من أول كلمة لين الطلاقة.
إيه، مجانية بالكامل. ما فيها اشتراك ولا إعلانات، وما نطلب منك أي بطاقة.
المنصة خاصة لمجموعة محددة، فالتسجيل يحتاج رمز دعوة. إذا ما عندك رمز، اضغط «تواصل معي» تحت وراسلنا.
هذي مستويات الإطار الأوروبي المرجعي للغات (CEFR)، وهو المقياس المعتمد عالمياً. A1 و A2 مبتدئ، و B1 و B2 متوسط، و C1 و C2 متقدم قريب من مستوى أهل اللغة.
18 سؤال في القراءة والاستماع والكتابة، والأسئلة تصعب إذا جاوبت صح وتسهل إذا غلطت، عشان يوصل لمستواك الحقيقي. بعدها تنفتح لك الدروس من مستواك على طول. الاختبار اختياري، وتقدر تعيده متى ما بغيت من صفحة الدروس.
الدروس اللي تحت مستواك مفتوحة كلها تراجعها متى ما بغيت، واللي فوقه تنفتح درس ورا درس كل ما خلصت. وكل إجابة صحيحة تزيد نقاطك في المهارة، ولما تجمع كفاية يرتفع مستواك تلقائياً.
التصحيح يقبل الأخطاء البسيطة: لو نسيت حركة حرف أو غلطت بحرف واحد في كلمة طويلة، تنحسب لك صح مع ملاحظة. وتمارين الكتابة الحرة والترجمة اللي تختلف عن الإجابة المتوقعة يصححها الذكاء الاصطناعي، ويشرح لك الغلط بالعربي.
اضغط على الكلمة في أي جملة، ويطلع لك معناها بالعربي حسب سياق الجملة.
تمارين المحادثة تشتغل في Chrome و Edge و Safari. أول مرة بيطلب منك المتصفح إذن المايك فلازم توافق. إذا متصفحك ما يدعمه، يطلع لك زر تتخطى فيه التمرين بدون ما يأثر عليك.
الصوت يجي من جهازك نفسه، والمنصة تختار أوضح صوت متوفر فيه. لو الصوت ضعيف، جرّب متصفح ثاني أو نزّل أصوات اللغة من إعدادات جوالك. وتقدر تكتم أصوات المؤثرات من زر الصوت.
كل درس تخلصه يعطيك 10 نقاط، و5 زيادة إذا كانت إجاباتك كلها صح. السلسلة تعد الأيام اللي تتعلم فيها ورا بعض، والهدف اليومي هو عدد النقاط اللي تبي تجمعها كل يوم، وتغيّره من صفحة حسابي.
كل أسبوع (من الأحد للسبت) تشوف كم درس خلصت، ودقتك في كل مهارة، ووين وصلت في المستويات، مع ملاحظة من المدرب تقول لك وش تركز عليه الأسبوع الجاي.
إيه، أضف أي لغة من صفحة اللغات. كل لغة لها مستواها وتقدمها ونقاطها لحالها، وتتنقل بينها متى ما بغيت.
اضغط «تواصل معي» تحت وراسلنا، ونعطيك كلمة مرور مؤقتة تدخل فيها وبعدها تغيرها لكلمة جديدة.
كلمة المرور محفوظة مشفّرة وما أحد يقدر يشوفها، وبياناتك ما نشاركها مع أحد. بس تمارين الكتابة تنرسل للذكاء الاصطناعي عشان يصححها، فلا تكتب فيها معلومات شخصية.